محبت
اندھیروں کے
گھنے جنگل میں
کسی کی یاد
کے جگنو
پکڑنے کیلئے
اکثر
دور تک جانے
کا سفر ہے
محبت
لوک داستانوں
کی ایسی کتاب ہے
جس میں کہیں
مورپنکھ
کہیں گلاب رکھے ہوں
محبت
اشکوں کی بھپری
ہوئی موجوں کا
گالوں کے
ریتلے ساحل پہ
بوسہ ثبت
کرنا ہے
محبت
کسی قدیم
جنگل میں
آلتی پالتی
مار کے بیٹھے
اک بوڑھے شجر
پہ
نوخیز کلیوں
کا کھلنا ہے
محبت
ٹھہرے پانیوں
میں
کنکر گرانے
کو کہتے ہیں
محبت
خنک رات کے
پہلو میں
لیٹے ہوئے اک
چاند کو
دن کی تپتی
دھوپ میں
آوارگی پہ مجبور کرتی ہے
محبت
بہار کے
جھرونکوں سے
خزاں کے
قافلے کو
گزرتا دیکھ
کر
اداس ہو جانے
کا نام ہے
(بلال بارش )
No comments:
Post a Comment